Topic ezagutu ezazu

Museoa txotxongiloen munduko sekretu eta altxor magikoak gorde, babestu, ikertu eta erakusten dituen lekua da, eta bisitaria horretaz jabetu ahal izateko sortua eta diseinatua dago. Bisita jolas edo aurkikuntza baten modura aurkezten da, non jakinminak eta konplizitateak berebiziko garrantzia duten.

TOPIC-ek, erakusketa iraunkorraz gain, aldi baterako erakusketen gune bat ere badauka. Bertan, modu monografiko batean, txotxongiloen mundu liluragarri horretako alderdi berezi batzuk ezagutzeko aukera daukagu.