Talo edo ogi tailerra

Eguraldiak laguntzen badu, bi tailer hauek kanpoaldean egiten dira eta ur-errotaren bisita osatzen dute. Aurretik, gari eta arto aleak ehotzen ikusi ahal izan dira, ogia egiteko irinak lortzeko. Horietatik abiatuta, parte-hartzaile bakoitzak opiltxo bat edo talo bat egiten du; bi produktu horiek gure gastronomia tradizioarekin estuki lotuta daude, eta bisitan zehar haiei buruzko bitxikeria ugari ezagutuko dituzte. Txistorradun taloa duen hamaiketakoa jarduera honi amaiera bikaina emateko aukera da.

Gomendio praktikoak

Bereziki udazkenean eta neguan, gomendagarria da kanpoko bisitarako egokiak diren arropa beroak eta oinetako egokiak ekartzea.